ஆறுமுத்தாம்பாளையம் ஊராட்சி சேகாம்பாளையத்திலும் இதன் அருகே உள்ள உப்பிலிபாளையத்தில் 3 பள்ளிகள் இயங்கி வருகிறது. இந்தப் பள்ளிகளில் 2 ஆயிரத்திற்கும் மேற்பட்ட மாணவ, மாணவிகள் படித்து வருகின்றனர். சேகாம்பாளையத்திலிருந்து உப்பிலிபாளையம் செல்லும் சாலை ஏற்கனவே பழுதடைந்து, ஜல்லிக்கற்கள் பெயர்ந்து உள்ளது. இதனால் மாணவ, மாணவிகள் பள்ளி செல்வதற்கு மிகப்பெரிய சவாலாக உள்ளது. எனவே அந்த சாலையை சீரமைக்க நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.