கண்ணமங்கலம் அருகில் உள்ள ஆரணி தாலுகாவைச் சேர்ந்த அத்திமலைபட்டு கிராமத்தில் 4-வது வார்டு புதுத்தெருவில் 5 ஆண்டுகளாக வரைபடம் தவறாக உள்ளது. இதனால் எந்த ஒரு நபரும் நத்தம் பட்டா வாங்க முடியவில்லை. பத்திரப்பதிவும் செய்ய முடியவில்லை. இது பற்றி ஏற்கனவே வருவாய் கோட்டாட்சியரிடம் மனு கொடுக்கப்பட்டுள்ளது. சர்வேயர், கிராம நிர்வாக அலுவலர் ஆகியோர் 5 முறை அளவீடு செய்தனர். அளவீடு செய்தும், இன்னும் சரி செய்யாமல் உள்ளனர். சம்பந்தப்பட்ட அதிகாரிகள் நேரில் வந்து ஆய்வு செய்து வரைபடம் திருத்தம் செய்து கொடுக்க வேண்டும்.
-செல்லப்பா, கண்ணமங்கலம்.