ஆத்தூரில் 33 வார்டுகளும், நரசிங்கபுரத்தில் 18 வார்டுகளும் உள்ளன. கடந்த சில மாதங்களாக இங்கு தெருநாய்கள் தொல்லை அதிக அளவில் உள்ளது. தெருநாய்கள் சாலையில் செல்பவர்களை துரத்தி கடிக்க வருகின்றன. இதனால் குழந்தைகள், முதியவர்கள் சாலைகளில் நடந்து செல்ல முடியாத நிலை உள்ளது. மேலும் ஆத்தூர் காந்திநகர் ெரயில் நிலையம் பகுதிகளில் 40-க்கும் மேற்பட்ட தெருநாய்கள் சுற்றி வருகின்றன. இதனால் ெரயில் நிலையத்திற்கு வருபவர்களும், அந்த பகுதியில் வசிப்பவர்களும் அச்சத்துடன் உள்ளனர். எனவே நகராட்சி நிர்வாகம் தெருநாய்கள் தொல்லைக்கு உரிய நடவடிக்கை எடுக்க வேண்டும்.
-கனகராஜ், ஆத்தூர்.