வேலூரில் பல்வேறு முக்கிய சாலைகளில் மாடுகள் சுற்றித்திரிகின்றன. இதனால் வாகன ஓட்டிகள் மற்றும் பொதுமக்களுக்கு இடையூறு ஏற்படுகிறது. சில சமயங்களில் மாடுகளால் விபத்துகளும் நடக்கின்றன. ஆற்காடு சாலையில் வாகன ஓட்டிகள் செல்வதற்கு இடையூறாக மாடுகள் சாலையின் குறுக்கே வரிசையாக செல்கின்றன. இதனால் வாகனங்களில் வருபவர்கள் மாடுகள் மீது மோதி கீழே விழும் நிலை உள்ளது. எனவே சாலையில் சுற்றித்திரியும் மாடுகளை சம்பந்தப்பட்ட துறை அதிகாரிகள் பிடிக்க நடவடிக்கை எடுக்க வேண்டும்.
-மாயவன், வேலூர்.