திருச்சி மாவட்டம், சமயபுரம் அருகே உள்ள திருவள்ளுவர் போக்குவரத்து காலனி பகுதியில் ஏராளமான தெருநாய்கள் சுற்றித்திரிகின்றன. இவை இப்பகுதியில் உள்ள கோழிகள், ஆடுகளை கடித்து குதறுகிறது. மேலும் சாலையில் நடந்து செல்பவர்களை கடிக்க வருவதினால் இப்பகுதி மக்கள் சாலைகளில் நடந்து செல்ல பெரிதும் அச்சப்படுகின்றனர். மேலும் இருசக்கர வாகன ஓட்டிகளை கடிக்க துரத்துவதினால் அவர்கள் நிலைதடுமாறி கீழே விழுந்து காயம் அடைந்து வருகின்றனர். எனவே இது குறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.