கண்டாச்சிபுரம் தாலுகா ஆயந்தூர் கிராமத்தில் உள்ள ஏரியை சிலர் ஆக்கிரமித்துள்ளனர். இதனால் மழைக்காலங்களில் ஏரியில் அதிக அளவில் தண்ணீர் சேமித்து வைக்க முடியாத நிலை ஏற்பட்டு வருகிறது. விவசாய பணிகள் கடுமையாக பாதிக்கப்பட்டு வருகிறது. மேலும் நிலத்தடி நீர்மட்டமும் குறைந்து வருவதால், அப்பகுதியில் குடிநீர் தட்டுப்பாடு ஏற்படும் சூழ்நிலையும் உருவாகியுள்ளது. இதை தவிர்க்க ஏரி ஆக்கிரமிப்புகளை அகற்ற அதிகாரிகள் நடவடிக்கை எடுக்க வேண்டும் என்பதே அப்பகுதி மக்களின் கோரிக்கையாகும்.