திருச்சி மாவட்டம், அரியாவூர் ஒத்தக்கடை பஸ் நிறுத்தம் அருகே தாதன் குட்டை உள்ளது. சுமார் 3 ஏக்கர் பரப்பளவு கொண்ட இந்த குட்டை தற்போது ஆக்கிரமிப்பு செய்யப்பட்டு வருகிறது. இதனால் இந்த குட்டையில் மழைநீரை சேகரிக்க முடியாத நிலை ஏற்பட்டு, இப்பகுதியில் நிலத்தடி நீர்மட்டம் குறைந்து வருகிறது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து ஆக்கிரமிப்புகளை அகற்றி இந்த குட்டையை தூர்வார வேண்டும் என கேட்டுக்கொள்கிறோம்.