தேனி கர்னல் ஜான் பென்னிகுயிக் பஸ் நிலையத்தில் இருந்து அன்னஞ்சி விலக்கு செல்லும் புறவழிச்சாலையின் இருபுறமும் வனப்பகுதி உள்ளது. இந்த வனப்பகுதியில் பகல் மற்றும் இரவு நேரங்களில் பல்வேறு சமூக விரோத செயல்கள் நடந்து வருகிறது. இரவு நேரங்களில் மதுபோதையில் செல்லும் நபர்களை சிலர் வழிமறித்து அவர்களிடம் இருந்து பணம் பறிக்கும் முயற்சிகளும் நடந்து வருகின்றன. எனவே, இப்பகுதியில் போலீசார் மற்றும் வனத்துறையினர் அடிக்கடி ரோந்து சென்று வனப்பகுதிக்குள் அத்துமீறி சமூக விரோத செயல்களில் ஈடுபடுபவர்கள் மீது நடவடிக்கை எடுக்க வேண்டும்.