அனைத்து மருந்தும் வழங்குவார்களா?

திருவாரூர் மாவட்டம் நன்னிலம் வட்டம் பேரளம் பேரூராட்சிக்கு அருகில் அகர கொத்தங்குடி கிராமம் அமைந்துள்ளது இங்கே வசிக்கும் மக்கள் மாதாந்திர மருத்துவ பரிசோதனைக்கு அருகிலுள்ள பேரளம் ஆரம்ப சுகாதார நிலையத்துக்கு செல்லாமல் 6 கிலோமீட்டர் தொலைவில் இருக்கும் பாவட்டகுடி ஆரம்ப சுகாதார நிலையத்திற்கு செல்லும் நிலை உள்ளது. இதனால் மக்கள் மிகுந்த சிரமத்திற்கு உள்ளாகின்றனர். ரத்தக்கொதிப்பு, சர்க்கரை நோய்களுக்கு மாத்திரை வாங்குவதற்கு கூட வயதானவர்கள் பாவட்டக்குடி செல்ல வேண்டிய நிலை உள்ளது. ஆகவே அகர கொத்தங்குடி மக்கள் எளிதில் பயனடைய அனைத்து வசதிகளையும் பேரளம் அரசு ஆரம்ப சுகாதார நிலையத்தில் வழங்கிட நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.

பொதுமக்கள், நன்னிலம்