நாகை மாவட்டம் எட்டுக்குடியில் இருந்து தினந்தோறும் பாப்பா கோவில், கிழக்கு கடற்கரை சாலை வழியாக நாகைக்கு அரசு பஸ் வந்து செல்கிறது. பகல் நேரங்களில் கல்லூரி மாணவ, மாணவிகள் அதிக அளவில் இந்த பஸ்ஸை பயன்படுத்துவதால் கூட்ட நெரிசலில் மாணவர்கள் படியில் தொங்கி கொண்டு ஆபத்தான முறையில் பயணம் செய்து வருகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து மேற்கண்ட வழித்தடத்தில் கூடுதல் பஸ்கள் இயக்க வேண்டும் என பொதுமக்கள் கோரிக்கை விடுத்துள்ளனர்.
பொதுமக்கள், எட்டுக்குடி