திருவாரூர் மாவட்டம் கூத்தாநல்லூர் அருகே அய்யம்பேட்டை கிராமத்தில் ஏராளமான தெருநாய்கள் சுற்றி திரிகின்றன.இதனால் பொதுமக்கள் பெரிதும் அச்சப்படுகின்றனர். இந்த நாய்கள் வாகன ஓட்டிகள் மட்டுமல்லாமல் தெருவில் நடந்து செல்லும் மாணவ- மாணவிகள் மற்றும் பொதுமக்களை விரட்டி சென்று கடிக்கின்றன . மேலும் அருகில் வீடுகளில் வளர்க்கப்படும், ஆடு கோழிகளை கடித்து விடுகின்றன. எனவே சம்பந்தப்பட்ட அதிகாரிகள் இது குறித்து உடனே நடவடிக்கை எடுத்து நாய்களை அப்புறப்படுத்த வேண்டும் என்று பொதுமக்கள் கோரிக்கை விடுத்துள்ளனர்.
பொதுமக்கள், கூத்தாநல்லூர்