கடலூர் திருப்பாதிரிப்புலியூர் வெள்ளிமோட்டான் தெரு, கேசவன்நகர் ஆகிய பகுதிகளில் கடந்த சில நாட்களாக தெரு மின் விளக்குகள் எரியாததால் அந்த பகுதி இருள்சூழ்ந்து காணப்படுகிறது. இதனால் இரவு நேரங்களில் பெண்கள், சிறுவர், சிறுமியர்கள் சாலைகளில் நடந்து செல்ல அச்சப்படுகின்றனர். மேலும் மர்ம நபர்களின் நடமாட்டம் இருப்பதாகவும் கூறப்படுகிறது. எனவே மேற்கண்ட பகுதிகளில் தெரு மின் விளக்குகளை எரிய வைக்க நகராட்சி நிர்வாகம் நடவடிக்கை எடுக்க வேண்டும்.