குடிநீர் வழங்கப்படுமா?

சேலம் மாவட்டம் 29-வது வார்டு அண்ணா பூங்கா எதிரே ரத்தினசாமிபுரம் 2-வது கிராஸ் தெருவில் மோட்டாருடன் கூடிய குடிநீர் தொட்டி உள்ளது. அந்த பகுதியில் சாக்கடை தோண்டப்பட்ட போது மோட்டாருக்கு செல்லக்கூடிய மின்சார வயர் அறுந்து 5 மாதத்திற்கு மேலாகிறது. அங்குள்ள மோட்டாரை பழுது பார்ப்பதற்காக எடுத்து சென்றவர்கள் இதுவரை மீண்டும் பொருத்தவில்லை. இதனால் கடந்த சில மாதங்களாக குடிநீர் இல்லாமல் அப்பகுதி மக்கள் மிகுந்த அவதிப்பட்டு வருகின்றனர். இது குறித்து பலமுறை புகார் அளித்தும் எந்த நடவடிக்கையும் எடுக்கவில்லை. எனவே சம்பந்தப்பட்ட அதிகாரிகள் குடிநீர் கிடைக்க நடவடிக்கை எடுக்க வேண்டும்.