வெண்ணந்தூர் பகுதியில் காலை, மாலை நேரங்களில் கடும் போக்குவரத்து நெரிசல் ஏற்படுகின்றன. இதனை தவிர்க்க வருவாய் ஆய்வாளர் அலுவலகம் அருகே உள்ள சாலையில் ஒரு வழிச்சாலையாக பிரித்து விடப்பட்டது. தற்போது இதை நடைமுறைப்படுத்தாமல் உள்ளதால் போக்குவரத்து நெரிசல் ஏற்படுகிறது. இதுகுறித்து வெண்ணந்தூர் போலீசார் காலை, மாலை நேரங்களில் போக்குவரத்து மாற்றம் ஏற்படுத்த நடவடிக்கை எடுக்க வேண்டும் என்று பொதுமக்கள் கோரிக்கை வைத்துள்ளனர்.