கிருஷ்ணகிரி 5 ரோடு ரவுண்டானா அருகே சேலம் சாலை, சென்னை சாலை, பெங்களூரு சாலை என பல முக்கிய சாலைகள் உள்ளன. பழைய பஸ் நிலையத்தில் இருந்து சுற்றுவட்டார கிராமங்களுக்கு செல்லக்கூடிய பஸ்கள் இந்த 5 ரோடு வழியாக செல்கின்றன. இதற்கிடையே 5 ரோடு ரவுண்டானா அருகே உள்ள பஸ் நிறுத்தங்களில் அரசு மற்றும் தனியார் பஸ்கள் நீணட நேரமாக நிறுத்தப்படுவதால் கடுமையான போக்குவரத்து நெரிசல் ஏற்படுகிறது. எனவே 5 ரோடு ரவுண்டானாவையொட்டி உள்ள பஸ் நிறுத்தங்களில் பயணிகளை விரைந்து இறக்கி ஏற்றி செல்ல வேண்டும். இதுதொடர்பாக சம்பந்தப்பட்ட துறை அலுவலர்கள் உரிய நடவடிக்கை எடுக்க வேண்டும்.
-சந்தோஷ், கிருஷ்ணகிரி.