ஈரோடு பெருந்துறை ரோடு புதிய ஆசிரியர் காலனி பிரிவு பகுதி பஸ் நிறுத்தமாக உள்ளது. இங்கு சில நிறுவனங்கள் போதிய வாகன நிறுத்த வசதி இல்லாமல் கடைகள் நடத்தி வருவதால், இங்கு வரும் பொதுமக்கள் சாலைகளிலேயே வாகனங்களை நிறுத்தி வருகிறார்கள். இதனால் போக்குவரத்து நெரிசல் மட்டுமின்றி, டவுன் பஸ்களில் பயணிகள் ஏறி இறங்கவும் சிரமப்பட்டு வந்தனர். எனவே இங்கு போலீசார் வாகனங்கள் நிறுத்தக்கூடாது என்று எச்சரிக்கை பலகை வைத்தனர். ஆனால் அதை மதிக்காமல் அதே இடத்தில் வாகனங்கள் நிறுத்துவதால் பயணிகள் தொடர்ந்து பாதிப்பு அடைந்து வருகிறார்கள். எனவே போலீசார் உரிய நடவடிக்கை எடுக்க வேண்டும்.