புதுக்கோட்டையில் இருந்து ஆதனக்கோட்டை, சொக்கநாதப்பட்டி, சோத்துப்பாளை, வளவம்பட்டி வழியாக கந்தர்வக்கோட்டைக்கு அரசு நகர பஸ் இயக்கப்படுகிறது. இந்த பஸ்சில் பள்ளி, கல்லூரி மாணவ-மாணவிகள், பொதுமக்கள், வேலைக்கு செல்பவர்கள் சென்று வருகின்றனர். ஆனால் இந்த பஸ் போதுமானதாக இல்லை. இதனால் இப்பகுதி மக்களின் தேவையை கருத்தில் கொண்டு மேற்கண்ட வழித்தடத்தில் கூடுதலாக பஸ்கள் இயக்க சம்பந்தப்பட்ட போக்குவரத்து துறை அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.