கூத்தாநல்லூரில் இருந்து கொரடாச்சேரி, மன்னார்குடி உள்ளிட்ட பல்வேறு பகுதிகளுக்கு செல்லும் சாலை உள்ளது. இந்த சாலையின் வழியாக அரசு மற்றும் தனியார் ஊழியர்கள், பள்ளி,கல்லூரி மாணவ-மாணவிகள் என ஏராளமானோர் தினமும் சென்று வருகின்றனர். இந்த பகுதியில் பல்வேறு இடங்களில் சாலையின் 2 பக்கங்களிலும் பொதுமக்கள் தங்கள் வாகனங்களை நிறுத்திவிட்டு சென்று வருகின்றனர். கனரக வாகனங்களும் இந்த வழியாக செல்வதால் அடிக்கடி போக்குவரத்து நெரிசல் ஏற்படுவதால் வாகனஓட்டிகள் அவதியடைந்து வருகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.