ஈரோடு சூரம்பட்டி அம்பேத்கர் கிழக்கு வீதியில் சாக்கடை வடிகாலில் அடைப்பு ஏற்பட்டு கழிவுநீர் வெளியேறாமல் அந்த பகுதியில் சுகாதாரக்கேடு ஏற்பட்டது. இதுபற்றிய செய்தி 'தினத்தந்தி' நாளிதழின் புகார் பெட்டி பகுதியில் பிரசுரமாகி இருந்தது. இதைத்தொடர்ந்து மாநகராட்சி அதிகாரிகள் மற்றும் பணியாளர்கள் அம்பேத்கர் கிழக்கு வீதிக்கு வந்து சாக்கடையில் இருந்த அடைப்புகளை அகற்றி கழிவுநீர் செல்ல நடவடிக்கை எடுத்தனர். இதுகுறித்து செய்தி வெளியிட்ட 'தினத்தந்தி' நாளிதழுக்கும், நடவடிக்கை எடுத்த மாநகராட்சி அதிகாரிகளுக்கும் பாராட்டுகளை தெரிவித்து கொள்கிறோம்.