கன்னியாகுமரி மாவட்டம் திருவட்டார் தாலுகாவிற்குட்பட்ட பொன்மனை பேரூராட்சி 1-ம் வார்டில் மேலதிறம்பு விளையில் சானல் கரையோரம் செல்லும் சாலையில் உள்ள பக்கவாட்டு சுவர் இடிந்து விழுந்து உள்ளது. தற்போது கன மழை பெய்து கொண்டிருப்பதால் சானல் கரையோர சாலையில் எந்நேரமும் உடைப்பு ஏற்படும் அபாயம் உள்ளது. உடைப்பு ஏற்பட்டால் அருகே வசிக்கும் பல குடும்பங்களுக்கு உயிருக்கும் உடமைக்கும் பாதுகாப்பற்ற நிலை உள்ளது. மேலும் சாலையில் விபத்துகள் ஏற்படும் சூழ்நிலையும் உருவாகியுள்ளது. எனவே பொதுமக்கள் நலன்கருதி சாலையை போர்க்கால அடிப்படையில் சீரமைக்க அதிகாரிகள் நடவடிக்கை எடுக்க வேண்டும்.