கரூர் மாவட்டம், அரவக்குறிச்சி அருகே தேசிய நெடுஞ்சாலையில் வேலன்செட்டியூரில் இருந்து பங்கார்பாடி செல்லும் தார்சாலை அமைக்கப்பட்டு பல ஆண்டுகள் ஆனதால் தற்போது சிதிலமடைந்து குண்டும், குழியுமாக காணப்படுகிறது. இதனால் இந்த வழியாக செல்லும் வாகன ஓட்டிகள் நிலைதடுமாறி செல்கின்றனர். குறிப்பாக இந்த வழியாக இருசக்கர வாகனங்களில் செல்வோர் தட்டுத்தடுமாறி கீழே விழுந்து காயம் அடைந்து வருகின்றனர். இந்த சாலை வழியாக அதிகளவு பொதுமக்களும், மாணவ- மாணவிகளும், பள்ளி வாகனங்களும் சென்று வருகின்றன. மழைக்காலங்களில் சாலையில் உள்ள பள்ளங்களில் தண்ணீர் தேங்கி நிற்பதால் சாலையில் உள்ள பள்ளம் தெரியாமல் அதில் கால் வைத்து சிலர் கீழே விழுந்து விடுகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து புதிய தார்சாலை அமைக்க வேண்டும் என கேட்டுக்கொள்கிறோம்.