பெரம்பலூர் மாவட்டம் கோவில்பாளையம் கிராமத்தில் தேரோடும் வீதி என சில வீதிகளில் இதுவரை சாலை அமைக்கப்படாமல் உள்ளது. இதனால் இப்பகுதியில் மழை பெய்யும் போது சாலை சேறும், சகதியுமாக காணப்படுகிறது. இதனால் இந்த வழியாக செல்லும் இருசக்கர வாகன ஓட்டிகள், நடந்து செல்லும் பெண்கள், முதியவர்கள் நிலைதடுமாறி கீழே விழும் நிலையில் உள்ளது. மேலும் இந்த சாலை வழியாக செல்லும் பள்ளி மாணவ-மாணவிகள் பெரிதும் சிரமப்படுகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து புதிய தார்சாலை அமைக்க வேண்டும் என கேட்டுக்கொள்கிறோம்.