பெரம்பலூர் மாவட்டம் வேலூர் கிராமத்தில் இருந்து திருச்சி மாவட்டம் துறையூர் செல்வதற்கு மங்கூன் ஊர் வரை தார் சாலை அமைக்கப்பட்டு உள்ளது. இந்த சாலை அமைக்கப்பட்டு பல ஆண்டுகள் ஆனதால் தற்போது சிதிலமடைந்து ஆங்காங்கே குண்டும், குழியுமாக காணப்படுகிறது. இதனால் இந்த சாலை வழியாக செல்லும் இருசக்கர வாகன ஓட்டிகள் இரவு நேரத்தில் நிலைத்தடுமாறி கீழே விழுந்து காயம் அடைந்து வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து குண்டும், குழியுமாக உள்ள சாலையை புதிய தார்சாலையாக மாற்ற வேண்டும் என கேட்டுக்கொள்கிறோம்.