அரியலூர் மாவட்டம் ஆண்டிமடம் ஒன்றியம் கூவத்தூர் ஊராட்சி அகினேஸ்புரம் கிராமத்தில் உள்ள தெருவில் தார் சாலை அமைக்கப்படாமல் உள்ளது. இதனால் மழைக்காலங்களில் இப்பகுதி சேறும், சகதியுமாக காட்சியளிக்கிறது. மேலும் மண் சாலையில் ஏற்பட்டுள்ள பெரிய அளவிலான பள்ளங்களில் மழைநீர் குளம்போல் தேங்கி நிற்கிறது. இதனால் இரவு நேரத்தில் இந்த வழியாக செல்லும் இருசக்கர வாகன ஓட்டிகள் இந்த பள்ளத்தில் வாகனத்தை விட்டு நிலை தட்டுமாறி கீழே விழுந்து காயம் அடைந்து வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து புதிய தார் சாலை அமைக்க வேண்டும் என கேட்டுக்கொள்கிறோம்.