பெரம்பலூர் மாவட்டம், பெரம்பலூர் நகராட்சி 6-வது வார்டில் உள்ள எஸ்.பி.டி. மருத்துவமனை சாலை சிதிலமடைந்து மண் சாலையாக உள்ளதால் தற்போது பெய்த மழையினால் சேறும், சகதியுமாக காணப்படுகிறது. மேலும் சாலையில் உள்ள பள்ளங்களில் மழைநீர் குளம்போல் தேங்கி உள்ளது. இதனால் வாகன ஓட்டிகள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.