அரியலூரில் டவுனில் இருந்து பெரம்பலூர் செல்லும் சாலையில் மாவட்ட அரசு மருத்துவமனை அருகே ரெயில்வே மேம்பாலம் உள்ளது. இந்த மேம்பாலத்தின் கீழே ரெயில் நிலையத்தை நோக்கி செல்லும் சாலை சிதிலமடைந்து குண்டும், குழியுமாக மாறி மிக மோசமாககாட்சியளிக்கிறது. இந்த மேம்பாலத்திற்கு சர்வீஸ் சாலையில் புதிதாக தார் சாலை அமைக்கப்படவில்லை. அரியலூரில் இருந்தும் சுற்றுப்புற பகுதிகளில் இருந்தும் ரெயில்களில் பயணிப்பதற்காக வாகனங்களில் வந்து செல்வோரும் பெரும் பாதிப்பிற்குள்ளாகி வருகின்றனர். மேலும் மேம்பாலத்திற்கு கீழ் உள்ள கோவிலுக்கு வழிபடுவதற்காக வரும் பக்தர்களும் பாதிக்கப்படுகின்றனர். பொதுமக்களின் வசதிக்காக ரெயில்வே மேம்பாலத்தின் கீழ் உள்ள சாலையை விரைந்து சீர் செய்ய மாவட்ட கலெக்டர் நடவடிக்கை எடுக்க வேண்டும் என கேட்டுக்கொள்கிறோம்.