புதுக்கோட்டை மாவட்டம், கீரமங்கலம் அரசு மகளிர் மேல்நிலைப்பள்ளி கடைவீதி பகுதியில் இருந்து கீரமங்கலம் மேற்கு, குளமங்கலம் செல்லும் பட்டவைய்யனார் கோவில் சாலை சிதிலமடைந்து குண்டும், குழியுமாக காணப்படுகிறது. இதனால் வாகன ஓட்டிகள், பள்ளி, கல்லூரி செல்லும் மாணவ-மாணவிகள் இந்த சாலையில் செல்ல முடியாமல் பெரிதும் அவதிப்பட்டு வருகின்றனர். மேலும் வாகனங்களின் டயர்கள் அடிக்கடி பஞ்சர் ஆகி வருகிறது. மேலும் இந்த சாலையில் உள்ள பட்டவைய்யனார் கோவில் குடமுழுக்கு விழா அடுத்த மாதம் நடக்க உள்ளதால் சாலையை சீரமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.