அரியலூர் மாவட்டம், கழுவந்தோண்டி கும்பகோணம்-ஜெயங்கொண்டம் செல்லும் சாலையில் புதிதாக மேம்பாலம் ஒன்று கட்டப்பட்டுள்ளது. அந்த மேம்பாலத்தின் கீழ்பகுதியில் ஏராளமான சாலையோர கடைகள் அமைக்கப்பட்டுள்ளன. இதனால் அந்த வழியாக செல்லும் வாகனங்கள் அனைத்தும் சாலையோரங்களில் நிறுத்தி அந்த கடைகளில் பொருட்களை வாங்கி செல்கின்றனர். இதனால் அந்த பகுதியில் விபத்து ஏற்படும் அபாயம் ஏற்பட்டுள்ளது. எனவே சம்பந்தப்பட்ட அதிகாரிகள் அதனை ஆய்வு செய்து நடவடிக்கை எடுக்க வேண்டும் என வாகன ஓட்டிகள், சமூக ஆர்வலர்கள் கோரிக்கை விடுத்துள்ளனர்.