அரியலூர் மாவட்டம், செந்துறை வட்டம், நமங்குணம் கிராமத்தில் 6-வது வார்டு நமங்குணம் தெற்கு தெருவில் ஏராளமான மக்கள் வசித்து வருகின்றனர். இந்த நிலையில் இந்த தெருவில் கடந்த பல ஆண்டுகளாக சாலை வசதி இல்லாமல் உள்ளது. இதனால் தற்போது பெய்து வரும் மழையின் காரணமாக இப்பகுதியில் உள்ள மண் சாலை சேறும், சகதியுமாக போக்குவரத்துக்கு லாயக்கற்ற நிலையில் உள்ளது. இதனால் இப்பகுதி மக்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.