புதுக்கோட்டை மாவட்டம், கொத்தமங்கலத்தில் இருந்து வடகாடு செல்லும் தார் சாலை சில ஆண்டுகளுக்கு முன்பு புதுப்பிக்கப்பட்டு தார் சாலை அமைக்கப்பட்டது. அப்போதே சாலை தரமில்லை என்ற புகார் எழுந்தது. அதிகாரிகளும், ஒப்பந்தக்காரரும் கண்டுகொள்ளவில்லை. ஆனால் சில ஆண்டுகளுக்குள்ளேயே தார் சாலை முழுமையாக உடைந்து போக்குவரத்திற்கு இடையூறாக குண்டும், குழியுமாக ஜல்லி கற்கள் பெயர்ந்து காணப்படுகிறது. இதனால் இந்த சாலை வழியாக செல்லும் பஸ் மற்றும் வாகனங்கள் மிகுந்த சிரமங்களுக்கிடையே சென்று வருகிறது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.