புதுக்கோட்டை மாவட்டம், அரிமளம் ஒன்றியம், காரமங்கலம் ஊராட்சி கே.புதுப்பட்டியில் இருந்து பாப்பான்பட்டி தெற்கு தெரு மயானத்திற்கு செல்லும் சாலை சுமார் 15 ஆண்டுகளுக்கு முன்பு தார் சாலையாக போடப்பட்டது. தற்போது அந்த சாலை ஆங்காங்கே ஜல்லி கற்கள் பெயர்ந்து குண்டும், குழியுமாக காட்சியளிக்கின்றது. இதனால் வாகன ஓட்டிகள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.