மயிலாடுதுறை முதல் செங்கோட்டை வரை இயங்கும் ரெயிலை அம்பாசமுத்திரம், நெல்லை வழியாக திருச்செந்தூர் வரையிலும், சேலம் - மயிலாடுதுறை ரெயிலை கடலூர் வரையிலும், விழுப்புரம் - மதுரை ரெயிலை புதுச்சேரி - போடிநாயக்கனூர் இடையேயும் நீட்டித்து இயக்க வேண்டும் என்ற எதிர்பார்ப்பு நிலவுகிறது. மேலும் பாலக்காடு முதல் கரூர், முசிறி, துறையூர், பெரம்பலூர் மற்றும் திருவண்ணாமலை வழியாக சென்னைக்கு புதிய ரெயில் பாதை அமைத்து பயணிகள் ரெயில் இயக்க வேண்டும் என்ற கோரிக்கையும் எழுந்துள்ளது. இதனால் தென் மற்றும் மத்திய மாவட்ட மக்களிடையேயான போக்குவரத்து வசதி பெருமளவில் மேம்படும். எனவே புதிய ரெயில் பாதை அமைப்பதுடன், வழித்தடங்களை நீட்டித்து இயக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.