சீதப்பால் பகுதியில் செட்டியார்கடை சந்திப்பு தெரு உள்ளது. இந்த தெருவில் உள்ள கழிவுநீர் ஓடையின் மீது சிலாப்புகள் அமைத்து மூடி சாலை அமைக்கப்பட்டது. கடந்த சில மாதங்களுக்கு முன் கழிவுநீர் ஓடையில் அடைப்பு ஏற்பட்டதால் சாலையின் ஒரு பகுதியை தோட்டி சீரமைப்பு பணிகள் நடைபெற்றது. பணிகள் முடிந்து பல மாதங்கள் ஆகியும் மீண்டும் ஓடையின் மீது சிலாப்புகளை போட்டு சாலை சீரமைப்பப்படவில்லை. இதனால், இரவு நேரம் அந்த வழியாக செல்லும் பாதசாரிகள், வாகன ஓட்டிகள் விபத்தில் சிக்கும் அபாயம் ஏற்பட்டுள்ளது. எனவே, பொதுமக்கள் நலன்கருதி சம்பந்தப்பட்ட அதிகாரிகள் விரைந்து நடவடிக்கை எடுத்து ஓடையின் மீது சிலாப்பு அமைத்து சாலையை சீரமைக்க வேண்டும்.
- கார்த்திகேயன்,சீதப்பால்.