புதுக்கோட்டை மாவட்டம் கறம்பக்குடி தாலுகா மாங்கோட்டை கீழப்பட்டியில் பொதுமக்களின் வசதிக்காக பயணிகள் நிழற்குடை அமைக்கப்பட்டு உள்ளது. இந்த நிழற்குடை அமைக்கப்பட்டு பல ஆண்டுகள் ஆனதால் அதன் மேற்கூரை சிமெண்டு பூச்சுகள் உதிர்ந்து கம்பிகள் வெளியே தெரிகின்றன. மேலும் இந்த பயணிகள் நிழற்குடை சிதிலமடைந்து ஆபத்தான நிலையில் உள்ளதால், இதில் பொதுமக்கள் அமர பெரிதும் அச்சப்பட்டு வருகின்றனர். எனவே பலத்த மழை பெய்யும் போது இந்த நிழற்குடை அருகே பொதுமக்கள் நின்று கொண்டு இருந்தால் இந்த நிழற்குடை இடிந்து விழுந்து உயிரிழப்புகள் ஏற்பட அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து ஆபத்தான நிலையில் உள்ள பயணிகள் நிழற்குடையை அகற்றிவிட்டு புதிய நிழற்குடை அமைக்க வேண்டும் என கேட்டுக்கொள்கிறோம்.