பெரம்பலூர் மாவட்டம் ஆலத்தூர் தாலுகா பாடாலூர் கிராமத்தில் தெரணி செல்லும் சாலையில் அரசு டாஸ்மாக் கடை செயல்பட்டு வருகிறது. இந்த டாஸ்மாக் கடை காலை 12 மணி முதல் இரவு 10 மணி வரை செயல்படுகிறது. தற்போது டாஸ்மாக் கடை திறக்கப்படுவதற்கு முன்பாகவே இப்பகுதியில் சிலர் சட்டவிரோதமாக மதுபாட்டில்களை பதுக்கிவைத்து கூடுதல் விலைக்கு விற்பனை செய்து வருகின்றனர். இதனால் இப்பகுதியில் சட்டம்-ஒழுங்கு பிரச்சினை ஏற்பட அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.