அரியலூர் மாவட்டம் ஜெயங்கொண்டம் ஒன்றியம், குண்டவெளி ஊராட்சியில் உள்ள மீன்சுருட்டி வடக்கு தெரு, காளியம்மன் கோவில் தெரு, குண்டவெளி புதுத்தெரு, வெண்ணங்குழி உள்ளிட்ட கிராமங்களில் கடந்த சில மாதங்களாக தெருவிளக்குகள் சரிவர எரியாமல் உள்ளது. இதனால் இப்பகுதி இரவு நேரத்தில் இருள் சூழ்ந்து காணப்படுவதினால் பெண்கள், சிறுவர்கள் இரவு நேரத்தில் நடந்து செல்ல பெரிதும் அச்சப்பட்டு வருகின்றனர். மேலும் இரவு நேரத்தில் இருளை பயன்படுத்தி இப்பகுதியில் திருட்டு உள்ளிட்ட சட்டவிரோத செயல்கள் நடக்க அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து தெருவிளக்குகளை சரி செய்ய வேண்டும் என கேட்டுக்கொள்கிறோம்.