கரூர் மாவட்டம் நொய்யல் செல்லாண்டியம்மன் கோவில், மரவாபாளையம், புங்கோடை, சேமங்கி, முத்தனூர், கோம்புப்பாளையம், நத்தமேட்டுபாளையம், திருக்காடுதுறை, பாலத்துறை, தோட்டக்குறிச்சி, தளவாபாளையம் வழியாக வாங்கல் வரை புகழூர் வாய்க்கால் செல்கின்றனர். இந்நிலையில் புகழூர் வாய்க்காலில் தண்ணீர் திறந்து விடப்பட்டு செல்லும்போது வாய்க்காலின் ஓரங்களில் முளைத்திருந்த ஏராளமான ஆகாய தாமரைகள் மிதந்து கொண்டு செல்கிறது. தண்ணீரில் மிதந்து கொண்டு செல்லும் ஆகாய தாமரைகள் பாலத்துறை புகழூர் வாய்க்கால் பாலத்தில் தேங்கி நிற்கிறது. இதனால் தண்ணீர் செல்ல தடை ஏற்படுகிறது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து ஆகாய தாமரைகளை அகற்ற வேண்டும் என கேட்டுக்கொள்கிறோம்.