பல்லடம் பஸ் நிலையத்தில் சமீபகாலமாக மது பிரியர்கள் தொல்லை நாளுக்கு, நாள் அதிகரித்து வருகிறது. மது குடித்துவிட்டு போதையில் பயணிகள் அமரும் இடங்களில் அலங்கோலமாக படுத்து விடுகின்றனர். மேலும் பயணிகளுக்கு இடையூறு செய்யும் வகையிலும், பஸ்கள் நிறுத்தும் இடங்களிலும் சர்வ சாதாரணமாக மது போதையில் தூங்கி வருகிறார்கள். இதனால் பயணிகள் பெரிதும் சிரமப்பட்டு வருகிறார்கள். எனவே போலீசார் பஸ்நிலையத்தில் அடிக்கடி ரோந்து பணிகளை மேற்கொண்டு மது பிரியர்களை அப்புறப்படுத்த வேண்டும்.