காஞ்சீபுரம் மாவட்டம், அய்யப்பன்தாங்கள் தனலட்சுமி நகர் பிரதான சாலையில் எருமை மாடுகள் மற்றும் பசுமாடுகளை அனுமதி இல்லாமல் வளர்க்கப்பட்டு வருகிறது. கெட்டுப்போன சாதம், அழுகிய உணவுகளை எருமைகளுக்கு கொட்டுவதால் சாலை எங்கும் துர்நாற்றம் வீசுகிறது. இதனால் பள்ளி செல்லும் மாணவ-மாணவர்கள் முதல் பெண்கள், குழந்தைகள் என அனைவரும் பாதிக்கப்படுகின்றனர். அந்த பகுதியில் உள்ள சாலையில் மாடுகள் சுற்றித்திரிவதால் வாகன ஓட்டிகள் மிகவும் அவதி அடைகின்றனர். எனவே, சம்பந்தப்பட்ட துறை அதிகாரிகள் அங்கு சுற்றித்திரியும் மாடுகளை அப்புறப்படுத்த நடவடிக்கை எடுக்க வேண்டும்.