திருவள்ளூர் மாவட்டம் ஆவடி, நந்தவன மேட்டூர், ரெட்டியார் கார்டன், காந்திநகர், உள்ளிட்ட பகுதிகளில் கடந்த 2 மாதமாக குரங்குகள் தொல்லை மிக அதிகமாக உள்ளது. வீடுகளுக்குள் குரங்குகள் புகுந்து பொருட்களை தூக்கி செல்கிறது. மேலும், குழந்தைகள், பெண்களை குரங்குகள் தாக்கும் சம்பவமும் நடந்துள்ளன. வனத்துறை மற்றும் மாநகராட்சி அதிகாரிகள் இணைந்து குரங்கு கூட்டத்தை அப்புறப்படுத்தி பொது மக்களுக்கு பாதுகாப்பை உறுதிப்படுத்த வேண்டும்.