புவனகிரி அருகே மஞ்சக்கொல்லை கிராமத்தில் உள்ள தாழங்கலத்து கிளை பாசன வாய்க்கால் பராமரிப்பு இல்லாத காரணத்தால் தூர்ந்துபோய் காணப்படுகிறது. இதனால் அந்த பாசன வாய்க்கால் வழியாக தண்ணீர் சீராக செல்ல முடியாத நிலை ஏற்பட்டுள்ளதால் அப்பகுதியில் உள்ள 200 ஏக்கர் விவசாய நிலங்களுக்கு தண்ணீர் கொண்டு செல்ல முடியாத நிலை ஏற்பட்டுள்ளதால் விவசாய பணிகள் கடுமையாக பாதிக்கப்பட்டு வருகிறது. எனவே விவசாயிகள் நலன் கருதி தூர்ந்துபோன வாய்க்காலை சீரமைக்க மாவட்ட நிர்வாகம் உரிய நடவடிக்கை எடுக்க வேண்டும்.