சென்னை ஆதம்பாக்கம், செக்ரட்ரியேட் காலனியில் தனியார் பள்ளி ஒன்று இயங்கி வருகிறது. இந்த பள்ளியில் அந்த பகுதியை சுற்றியுள்ள ஏராளமானோர் குழந்தைகள் படித்து வருகின்றனர். தினமும் பெற்றோர்கள் தங்கள் குழந்தைகளை பள்ளியில் விடுவதற்காகவும், அழைத்து வருவதற்காகவும் டெலபோன் காலனி 1 மற்றும் 2, என்.ஜி.ஓ. காலனி ஆகிய பகுதி வழியாக சென்று வருகின்றனர். இந்த பகுதியில் ஏராளமான தெரு நாய்கள் சுற்றித்திரிகிறது. இதனால் தெரு நாய்கள் தங்கள் குழந்தைகளை கடித்து விடுமோ என்ற அச்சத்திலேயே அந்த பகுதியை கடந்து செல்கின்றனர். எனவே, மாநகராட்சி அதிகாரிகள் அந்த பகுதியில் சுற்றித்திரியும் தெருநாய்களை பிடித்து செல்ல நடவடிக்கை எடுப்பார்களா?