காஞ்சீபுரம் மாவட்டம், திருப்பெரும்புதூர் நியூ ராமானுஜர் நகரில் தெருநாய்கள் தொல்லை அதிகமாக உள்ளது. இதனால் பள்ளிகளுக்கு செல்லும் குழந்தைகள், வெளியே செல்லும் முதியவர்கள் என அனைவரும் அச்சப்படுகின்றனர். தெருவில் செல்லும் அனைவரையும் கடிக்க துரத்துகிறது. இதுகுறித்து பலமுறை புகார் அளித்தும் எந்த நடவடிக்கையும் எடுக்கப்படவில்லை. இதேபோல, அந்த பகுதியில் புதிய சாலை அமைக்க கடந்த ஒரு ஆண்டுகளுக்கு முன்பு ஜல்லிகள் கொட்டப்பட்டது. ஆனால் இதுவரையில் எந்த வேலையும் செய்யாமல் கிடப்பில் கிடக்கிறது. இதனால் வாகன ஓட்டிகள் மிகவும் அவதி அடைகின்றனர். எனவே, சம்பந்தப்பட்ட துறை அதிகாரிகள் உரிய நடவடிக்கை எடுக்க வேண்டும் என அப்பகுதி மக்கள் கோரிக்கை வைத்துள்ளனர்.