பெரம்பலூர் புதிய பஸ் நிலையத்தில் டாஸ்மாக் கடை செயல்பட்டு வருகிறது. இந்த டாஸ்மாக் கடையில் மது வாங்கி அருந்தும் மதுப்பிரியர்கள் பஸ் நிலையத்திலேயே மது அருந்திவிட்டு மது போதையில் தங்களின் ஆடைகள் கலைந்த நிலையில் படுத்திருப்பதுடன், சிலர் தகாத வார்த்தைகளால் பேசி வருகின்றனர். இதனால் பயணிகளுக்கு பெரிதும் இடையூறு ஏற்படுவதுடன், பெண்கள் பெரிதும் அச்சத்தில் உள்ளனர். எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுத்து இந்த டாஸ்மாக் கடையை வேறு இடத்திற்கு மாற்ற வேண்டும் என கேட்டுக்கொள்கிறோம்.