பெரம்பலூர் மாவட்டம், ஆலத்தூர் வட்டம் நாரணமங்கலம் ஊராட்சிக்கு உட்பட்ட விஜயகோபாலபுரம் கிராமத்தில் உள்ள ஊராட்சி ஒன்றிய நடுநிலைப்பள்ளியில் சுற்றுச்சுவர் இல்லை. இதனால் பள்ளிக்கு பாதுகாப்பு இல்லை என்பதோடு, அங்கு இரவு நேரங்களில் ஆடு, மாடுகள், நாய்கள் புகலிடமாகவும் உள்ளது. மேலும் இரவு நேரங்களில் மது பிரியர்கள் மது குடித்துவிட்டு அந்த பாட்டிலை அங்கே விட்டு செல்கின்றனர். இது குறித்து சம்பந்தப்பட்ட அதிகாரிகள் விரைந்து நடவடிக்கை எடுத்து பள்ளிக்கு சுற்றுச்சுவர் அமைக்க வேண்டும் என கேட்டுக்கொள்கிறோம்.