திருச்சி சுப்பிரமணியபுரத்தில் புதுக்கோட்டை சாலையில் அணுகு சாலையில் கடந்த இருநாட்களுக்கு முன்பு நடைபாதையில் இருந்த ஆக்கிரமிப்புகள் மற்றும் போக்குவரத்துக்கு இடையூறாக இருந்த ஆக்கிரமிப்பு கடைகள் அகற்றப்பட்டன. ஆனால் மீண்டும் அங்குள்ள ஓட்டல் மற்றும் இறைச்சிக்கடைக்காரர்கள் நடைபாதையை ஆக்கிரமித்துவிட்டனர். இதுபோல் அங்குள்ள எம்.ஜி.ஆர்.சிலை பகுதியிலும் மீண்டும் ஆக்கிரமித்து கடைகள் அமைக்கப்பட்டு வருகிறது. அதுபோல், கல்லுக்குழி முதல் டி.வி.எஸ்.டோல்கேட் வரை சாலையோரம் சரக்கு ஆட்டோக்களை நிறுத்தி வியாபாரம் செய்வதால் அடிக்கடி விபத்துகள் ஏற்படுகிறது. கடந்த மாதம் கூட ஒரு பெண் விபத்தில் உயிரிழந்தார். எனவே இந்த ஆக்கிரமிப்புகளை நிரந்தரமாக நீக்க நெடுஞ்சாலைத்துறை அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.