விருத்தாசலம் அருகே முகாசப்பரூர் கிராமத்தில் உள்ள அரசு மேல் நிலைப்பள்ளி எதிரே பயணிகள் நிழற்குடை அமைந்துள்ளது. இந்த நிழற்குடை பலத்த சேதமடைந்து விழும் நிலையில் உள்ளது. மேலும் இதில் பயணிகள் அமரும் இருக்கைகள் முற்றிலும் சேதமடைந்து விட்டது. இதனால் பயணிகள் வெயிலிலும், மழையிலும் நின்று பஸ் ஏறிச்செல்கின்றனர். எனவே சேதமடைந்த நிழற்குடையை இடித்து அப்புறப்படுத்தி விட்டு புதிதாக கட்டித்தர அதிகாரிகள் நடவடிக்கை எடுக்க வேண்டும்.