நாகை மாவட்டம் வேதாரண்யம் பகுதியில் அதிக அளவில் நாய்கள் சுற்றித்திரிகின்றன. இவை வாகனங்களில் செல்பவர்களை விரட்டி சென்று கடிக்கின்றன. இதனால் வாகன ஓட்டிகள் கீழே விழுந்து காயம் அடைகின்றனர். மேலும் குழந்தைகளை விரட்டி சென்று கடிக்கின்றன. வீடுகளில் வளர்க்கும் ஆடு, கோழி உள்ளிட்டவற்றை கடித்து குதறுகின்றன. எனவே சம்பந்தப்பட்ட அதிகாரிகள் சாலைகளில் சுற்றித்திரியும் நாய்களை பிடித்து அப்புறப்படுத்த நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.