விழுப்புரம் ரெயில் நிலையத்தில் இருந்து இரவு நேரத்தில் பஸ் நிலையத்திற்கு பேருந்துகள் இயக்கப்படவில்லை. இதனால் இரவு நேரத்தில் வெளியூர்களில் இருந்து வரும் ரெயில் பயணிகள், பஸ் நிலையத்திற்கு நடந்து செல்ல வேண்டிய நிலை உள்ளது. அவ்வாறு தனியாக நடந்து செல்லும் பெண்களை மதுபிரியர்கள் கேலி கிண்டல் செய்து வருகின்றனர். மேலும் வழிப்பறி போன்ற குற்ற சம்பவங்களும் நடக்க வாய்ப்புள்ளது. அதனால் இரவு நேரத்தில் போலீசார் ரோந்து செல்ல வேண்டும் என்பதே பயணிகளின் எதிர்பார்ப்பாகும்.