ஆபத்தான நிழற்குடை
தம்பத்துகோணம் அரசு நடுநிலைப்பள்ளி அருகில் உள்ள பயணிகள் நிழற்குடையின் மேற்கூரை சேதமடைந்து காணப்படுகிறது. இதனால், அங்கு பஸ் ஏற வரும் பயணிகள், பள்ளி மாணவ-மாணவிகள் பெரும் அவதிக்குள்ளாகி வருவதுடன் விபத்தில் சிக்கும் அபாயம் ஏற்பட்டுள்ளது. எனவே, சேதமடைந்த நிழற்குடையை அகற்றி விட்டு புதிய நிழற்குடையை அமைத்து மக்கள் பயன்பாட்டுக்கு கொண்டுவர சம்பந்தப்பட்ட அதிகாரிகள் நடவடிக்கை எடுக்க வேண்டும்.